For tida er fire forskarar og to masterstudentar knytte til det tverrfaglege prosjektet «Ora et labora. Katolske arbeidsinnvandrarar på Sunnmøre». Her er dei, i arbeid med analyse av spørjeskjema (øvst) og på besøk i den katolske prestegarden i Ålesund (nedst).
Korleis og i kva grad bidrar Den katolske kyrkja til integrering av arbeidsinnvandrarar frå Aust-Europa i lokalsamfunn, arbeidsmarknad og sivilsamfunn? Dette er det sentrale forskingsspørsmålet i prosjektet «Ora et labora», eit fellesprosjekt mellom Institutt for religion, livssyn og kyrkjefag ved Høgskulen i Volda og Møreforsking.
