{"id":178,"date":"2017-02-03T19:05:16","date_gmt":"2017-02-03T18:05:16","guid":{"rendered":"https:\/\/blogg.hivolda.no\/roars\/?p=178"},"modified":"2017-02-04T12:37:59","modified_gmt":"2017-02-04T11:37:59","slug":"kasusarbeid","status":"publish","type":"post","link":"https:\/\/blogg.hivolda.no\/roars\/2017\/02\/03\/kasusarbeid\/","title":{"rendered":"Kasusarbeid"},"content":{"rendered":"

I andre semester av sosialarbeidarutdanningane, er innhaldet delt i bolkar. P\u00e5 slutten av kvar bolk er det lagt inn eit opplegg som skal hjelpe studentane \u00e5 kople saman kunnskapen fr\u00e5 bolken.<\/p>\n

P\u00e5 slutten av den bolken som omhandlar oppvekst og familie, har vi lagt inn eit opplegg der studentane arbeider med tenkte barnevernssaker.<\/p>\n

Opplegget startar med ein felles time. Deretter har studentane (nesten) to dagar til \u00e5 arbeide med kasusa i l\u00e6ringsgrupper p\u00e5 5-7 studentar. Siste dagen startar med at dei samlast i forelesingssalen. Der f\u00e5r dei vite korleis dei fire kasusa dei har jobba med heng saman. Etter dette samlast dei i seminargrupper best\u00e5ande av 3-4 l\u00e6ringsgrupper for \u00e5 diskutere korleis dei nye opplysningane p\u00e5verkar saka deira.<\/p>\n

\u00a0F\u00f8rste del<\/h3>\n

Kyrre Grimstad som er teamleiar i barnevernstenesta for Volda, \u00d8rsta, Ulstein og Hareid starta \u00f8kta med \u00e5 gi ei lita orientering om korleis dei jobbar, kva saker dei har og kva rammevilk\u00e5r dei har.<\/p>\n

Deretter fekk studentane vite kva dei skulle lage og korleis dei skulle jobbe. Hovudsaka var at dei skulle lage bekymringsmeldinga dei fekk, eit dokument for kvar person dei snakka med, og til slutt ein tiltaksplan.<\/p>\n

Etter dette gjekk dei i l\u00e6ringsgruppene og jobba. Eg gjekk rundt og svarte p\u00e5 sp\u00f8rsm\u00e5l. Kvar gruppe fekk tildelt eit kasus, slik at det vart tre eller fire ulike kasus per seminargruppe. Dette var viktig for at opplegget siste dagen skulle verke.<\/p>\n

Kasusa er:<\/p>\n

Kasus 1: Jente 8 \u00e5r. Bekymringsmelding fr\u00e5 skule grunna h\u00f8gt fr\u00e5vere. Far klarer ikkje \u00e5 f\u00e5 barnet p\u00e5 skule. Mor kan ikkje forst\u00e5 problemstillinga. Det er aldri eit problem n\u00e5r barnet er hos mor (har 20% samv\u00e6r). Ho har f\u00e5 vener, held seg mykje for seg sj\u00f8lv, d\u00e5rleg orden i skulearbeidet.<\/p>\n

Kasus 2: Gut 14 \u00e5r. Bekymringsmelding fr\u00e5 skule fordi han som slo ned ein annan elev. Kjem lett i konflikt, klarer ikkje \u00e5 vere i klassen, har vanskeleg for \u00e5 tilpasse seg skulesituasjonen. Passast ekstra p\u00e5 i friminutt ol. Foreldra seier at det ikkje er eit problem heime. Han sit p\u00e5 rommet sitt og er snill som eit lam.<\/p>\n

Kasus 3: Gut 12 \u00e5r. Mor er bekymra for barnet n\u00e5r han er hos far. I f\u00f8lgje mor drikk far ein del, og er ein \u00abforbanna idiot\u00bb. Barnet seier til mor at far er mykje sint og sur og ropar ein del.<\/p>\n

Kasus 4: Helsestasjon rapporterer om jente (15 \u00e5r) med framandkulturell bakgrunn som er i konflikt med heimen. Jenta vil flytte heimanfr\u00e5. Ho er lei av at foreldra mistenkjer henne for alt mogeleg. Ho klarer seg godt p\u00e5 skule.<\/p>\n

Andre del<\/h3>\n

F\u00f8rst samlast alle studentane, og eg k\u00f8yrde ei evaluering av gruppearbeidet ved hjelp av Kahoot. Resultatet av dette kjem lenger nede.<\/p>\n

Etter evalueringa, fekk studentane vire korleis dei skulle arbeide utetter dagen, og korleis kasusa hang saman. Dei hang saman slik:<\/p>\n