{"id":3769,"date":"2023-06-26T00:24:56","date_gmt":"2023-06-25T22:24:56","guid":{"rendered":"https:\/\/blogg.hivolda.no\/jr\/?p=3769"},"modified":"2023-06-26T00:37:27","modified_gmt":"2023-06-25T22:37:27","slug":"takk-for-meg-og-takk-for-alle-svelene","status":"publish","type":"post","link":"https:\/\/blogg.hivolda.no\/jr\/2023\/06\/26\/takk-for-meg-og-takk-for-alle-svelene\/","title":{"rendered":"Takk for meg – og takk for alle svelene!"},"content":{"rendered":"\n

Helsing p\u00e5 sommaravslutninga for studie\u00e5ret 2022- 2023. Og avtakking etter \u00e5tte \u00e5r som rektor. 23. juni 2023. <\/em><\/p>\n\n\n\n

Eg har hatt privilegiet \u00e5 vere rektor ved H\u00f8gskulen i Volda i \u00e5tte \u00e5r. F\u00f8r det var eg ein del av leiinga som forskingskoordinator i ca. tre \u00e5r. No har eg f\u00e5tt eit \u00e5r til fagleg oppdatering s\u00e5 er det faktisk 12 \u00e5r sidan eg var ein del av det daglege arbeidet som fagtilsett p\u00e5 Avdeling for mediefag. B\u00e5de 8 og 12 \u00e5r er lenge i eit liv – anten ein no snakkar om eit livsl\u00f8p eller ein karriere. Blant anna er det sv\u00e6rt mange av dagens tilsette p\u00e5 HVO som har vorte tilsette etter 2015. S\u00e5 har vi ogs\u00e5 vore gjennom ei forynging av staben – som mange kan misunne oss. <\/p>\n\n\n\n

Eg vil sj\u00e5 tilbake p\u00e5 dei 8 \u00e5ra som rektor med glede – fordi eg har l\u00e6rt mykje av \u00e5 ha rolla som rektor – eg f\u00f8ler eg har vorte godt kjend med heile institusjonen – og ogs\u00e5 f\u00e5tt del av gleder og sorger. Fred og strid. Men framfor har det vore gode \u00e5r n\u00e5r det gjeld \u00f8konomi, vekst og utvikling for H\u00f8gskulen i Volda.<\/p>\n\n\n\n

\"\"<\/a>
Hans Str\u00f8m-huset og Sivert Aarflot-huset<\/figcaption><\/figure>\n\n\n\n

Dei st\u00f8rste og mest synlege endringane og tiltaka er jo Sivert Aarflot-huset og Hans Str\u00f8m-huset. Dette er store investeringar og dermed tunge l\u00f8ft for H\u00f8gskulen i Volda – vi snakkar om fornyingar som har kosta over 300 millionar kroner. Det eine prosjektet starta f\u00f8r eg vart rektor og det andre blir sluttf\u00f8rt etter at eg har slutta. S\u00e5 dette er prosjekt som har teke tid, og som vi berre har hatt r\u00e5d til fordi vi over lang tid har drive i tr\u00e5d med sunnm\u00f8rske dygder som \u00e5 spare p\u00e5 skillingen og drive n\u00f8kternt, men ogs\u00e5 fordi vi har vore optimistiske og hatt gode og fornuftige prosjekt.<\/p>\n\n\n\n

P\u00e5 fagleg side vart det meste av arbeidet med doktorgraden i helse og sosial gjort f\u00f8r eg var rektor, og den nye doktorgraden i Utdanning, spr\u00e5k og kultur vil ikkje starte opp f\u00f8r tidlegast i 2025. <\/p>\n\n\n\n

Og s\u00e5 er eg spent og optimistisk med tanke p\u00e5 \u00e5 f\u00e5 akkreditert masterutdanning i Natur, kultur og berekraft p\u00e5 Avdeling for kulturfag. Med den p\u00e5 plass vil vi ha masterutdanningar p\u00e5 toppen av alle v\u00e5re bachelorutdanningar. Det er ei viktig og n\u00f8dvendig utvikling for oss, sidan samfunnet blir meir og meir kompetansedrive, og vi m\u00e5 utvikle oss p\u00e5 same m\u00e5te som alle andre h\u00f8gskular og universitet.<\/p>\n\n\n\n

Det g\u00e5r ikkje alltid s\u00e5 fort i  h\u00f8gre utdanning, men kontinuitet, \u00e5 arbeide trottug og langsiktig er n\u00f8dvendig for \u00e5 f\u00e5 til resultat.<\/p>\n\n\n\n

S\u00e5 eg h\u00e5per og trur at dei 8 \u00e5ra vi har lagt bak oss vil bli huska som gode \u00e5r for H\u00f8gskulen i Volda.<\/p>\n\n\n\n

Dei politiske signala tyder p\u00e5 at vi kan f\u00e5 t\u00f8ffare \u00e5r n\u00e5r det gjeld \u00f8konomi, men ogs\u00e5 at vi f\u00e5r st\u00f8rre ansvar for lokale og dermed regionale prioriteringar.<\/p>\n\n\n\n

Vi er ein h\u00f8gskule i ein region som er prega av sterk og global orientert industri. Men v\u00e5r region er ogs\u00e5 prega av sterk fr\u00e5flytting og aukande mangel p\u00e5 arbeidskraft.<\/p>\n\n\n\n\n\n\n\n

Vi er ein statleg institusjon i ein del av landet som har sv\u00e6rt l\u00e5g andel statleg tilsette, men v\u00e5r del av landet har ogs\u00e5 f\u00e6rre h\u00f8gre utdanning, og s\u00e6rleg mange f\u00e6rre med lang h\u00f8gre utdanning. Ei nedprioritering av H\u00f8gskulen i Volda vil dermed ogs\u00e5 vere ei nedprioritering av regionen. Utan gode barnehagar, skular og andre offentlege tenester vert ikkje v\u00e5r del av verda meir, men mindre attraktiv \u00e5 bu i. Dette er bodskapar som vi berre m\u00e5 gjenta gong etter gong. Kanskje g\u00e5r det inn ein dag?<\/p>\n\n\n\n

Eg er heilt sikker p\u00e5 at toppleiinga fr\u00e5 1. august er like opptatt av desse viktige sp\u00f8rsm\u00e5la som eg har vore, men vi m\u00e5 alle dra i lag og minne oss sj\u00f8lve og omgivelsane v\u00e5re p\u00e5 kvifor vi er her, at vi har vore her sidan 1861, og at vi og regionen er i same b\u00e5t.<\/p>\n\n\n\n

S\u00e5 langt tema som ein rektortale b\u00f8r omtale.<\/p>\n\n\n\n

\"\"<\/a>
Sveler fr\u00e5 kantina p\u00e5 H\u00f8gskulen i Volda. Med heilt rett farge!<\/figcaption><\/figure>\n\n\n\n

Men no vil eg gjere eit aldri s\u00e5 lite sceneskifte, og snakke om det som verkeleg betyr noko. Noko som har gitt Volda eit unikt rykte, og som vi ikkje hadde klart oss utan i ein omskifteleg kvardag.<\/p>\n\n\n\n

Litt varme og s\u00f8dme i kvardagen, og som er tilgjengeleg for ein liten slant. I alle fall i lunsjtida, men som kanskje er borte p\u00e5 slutten av dagen.<\/p>\n\n\n\n

Og til \u00e5 introdusere dette unike med Volda har eg f\u00e5tt litt hjelp av Otto Jespersen:<\/p>\n\n\n\n

I filmen B\u00f8rning er Otto Jespersen passasjer i ein bil som er LITT forsinka p\u00e5 \u00e5 n\u00e5 ferja, men dei n\u00e5r ferja akkurat etter eit flygade bil-stunt inn p\u00e5 ferjedekket p\u00e5 «Vardehorn». Og kva seier Otto Jespersen d\u00e5? Spol fram til ca. 1:37 inn i klippet:<\/p>\n\n\n\n

\n