{"id":2650,"date":"2020-10-01T13:00:00","date_gmt":"2020-10-01T11:00:00","guid":{"rendered":"http:\/\/blogg.hivolda.no\/jr\/?p=2650"},"modified":"2020-10-01T17:34:04","modified_gmt":"2020-10-01T15:34:04","slug":"sivert-aarflot-huset-grunnstein-hjornestein-merkestein","status":"publish","type":"post","link":"https:\/\/blogg.hivolda.no\/jr\/2020\/10\/01\/sivert-aarflot-huset-grunnstein-hjornestein-merkestein\/","title":{"rendered":"Sivert Aarflot-huset: Grunnstein, hj\u00f8rnestein, merkestein"},"content":{"rendered":"\n

Talar i h\u00f8ve nedlegging av grunnstein for Sivert Aarflot-huset, 1.10.2020.<\/em><\/p>\n\n\n\n

\"\"
Nedlegging av QR-grunnstein. Fr\u00e5 venstre Jens Kristian Hersl\u00f8v, Statsbygg, Johann Roppen, rektor og Lars Ole Tomren PEAG\/K.Nordang. Foto: Tone Solhaug, H\u00f8gskulen i Volda.<\/figcaption><\/figure>\n\n\n\n

Omtale av grunnsteinsnedlegginga p\u00e5 www.hivolda.no.<\/a>
Video fr\u00e5 N\u00e6rnett si str\u00f8yming fr\u00e5 grunnsteinsnedlegginga.<\/a>
Lenka som den digitale grunnsteinen peikar til<\/a>.<\/p>\n\n\n\n

Dette er ein merkedag for H\u00f8gskulen i Volda, for studentar og for tilsette. Og s\u00e6rleg for tilsette og studentar p\u00e5 Avdeling for mediefag. Det er helst dei som kjem til \u00e5 f\u00e5 sin arbeidsdag i dette huset n\u00e5r det opnar neste sommar. Men huset er for heile h\u00f8gskulen, for Volda og for Noreg.<\/p>\n\n\n\n

Eg er difor glad for at mange som har valt \u00e5 vere med p\u00e5 denne symbolske handlinga, p\u00e5 denne merkedagen.<\/p>\n\n\n\n

Ein merkedag og ein grunnstein er begge fors\u00f8k p\u00e5 \u00e5 fange sj\u00f8ve tida.<\/p>\n\n\n\n

Og kva er vel meir varig og evig enn – stein? S\u00e5 vi kan ha forventningar til at ein grunnstein er varig.<\/p>\n\n\n\n

S\u00e5 det er mitt og alle p\u00e5 HVO sitt \u00f8nske at denne merkesteinen, denne grunnsteinen, skal «standa lika traust» som fjella i syningom, som Ivar Aasen seier i diktet «Dei gamle fjelli».<\/p>\n\n\n\n

Nedsetting av ein grunnstein er alts\u00e5 ei ytterst symbolsk handling, ei markering av fellesskap om bygging av eit hus.<\/p>\n\n\n\n\n\n\n\n

Men for dette huset er likevel den symbolske handlinga sv\u00e6rt passande. For kva er vel media anna enn utveksling av symbol gjennom teknologiske hjelpemiddel?<\/p>\n\n\n\n

H\u00f8gskulen i Volda, byggherre Statsbygg og entrepren\u00f8r PEAB Nordang har i denne vesle seremonien teke den symbolske handlinga eitt steg vidare: Grunnsteinen som blir lagt ned er utforma som ein QR-kode, ein digital tekst. Om du f\u00f8lgjer koden vil du kome til ei nettside som gir deg alt det som til vanleg er \u00e5 finne i ein tradisjonell grunnstein: Blant anna teikningar av huset vi st\u00e5r i, myntar og frimerke fr\u00e5 2020, men ogs\u00e5 avisa M\u00f8re fr\u00e5 i dag der Sivert Aarflot f\u00e5r brei omtale.<\/p>\n\n\n\n

\"\"
Og her er den digitale grunnsteinen!<\/figcaption><\/figure><\/div>\n\n\n\n

Dei tradisjonelle grunnsteinane er innemura og utilgjengelege s\u00e5 lenge huset st\u00e5r og blir kanskje ein gong i framtida oppdaga av arkeologar. Men Sivert Aarflot-husets digitale grunnstein er tilgjengeleg for alle som \u00f8nskjer tilgang til QR-koden. S\u00e5 det er ein sv\u00e6rt passande grunnstein for eit hus som skal hyse medieutdanningane i Volda som har «Media for eit demokratisk samfunn» som ideologisk – grunnstein.<\/p>\n\n\n\n

Det er mi von at Sivert Aarflot-huset i seg sj\u00f8lv ogs\u00e5 skal bli ein grunnstein – eller kanskje heller ein hj\u00f8rnestein. Eg vonar og trur at forskings- og utdanninga som skal skje i Sivert Aarflot-huset ogs\u00e5 i framtida vil vere ein hj\u00f8rnestein i norsk medieutdanning, og dermed ogs\u00e5 for norske media og det norske demokratiet. Som hj\u00f8rnestein st\u00e5r ein ikkje aleine, men verkar i lag med andre medieutdanningar, andre institusjonar i inn- og utland for \u00e5 hyse menneskeleg liv og varige verdiar.<\/p>\n\n\n\n

I ei tid og ei verd der demokratiske verdiar vert utfordra fr\u00e5 autorit\u00e6re og kunnskapsfiendtlege idear h\u00e5per og trur eg at Sivert Aarflot-huset kan bli st\u00e5ande som ein hj\u00f8rnestein og vere med p\u00e5 \u00e5 st\u00f8tte opp om trua p\u00e5 sentrale verdiar og idear som ogs\u00e5 Sivert Aarflot stod for og formidla gjennom si livsgjerning. De gjore han gjennom trykkeri og avisa  Norsk Landboeblad. Dette var for litt over 200 \u00e5r sidan under Napoleonskrigane, litt f\u00f8r Noreg fekk si grunnlov. Mykje av det vi hugsar han for kan framleis st\u00e5 som merkesteinar for H\u00f8gskulen i Volda og medieutdanningane i dag og i framtida:<\/p>\n\n\n\n

Lokalt og nasjonalt engasjement kopla med internasjonal orientering.<\/p>\n\n\n\n

Nyfikne, initiativ og kreativitet andsynes ny teknologi.<\/p>\n\n\n\n

Ein uredd kombinasjon av bokleg l\u00e6rdom og allmenn formidlingslyst i aktuelle sp\u00f8rsm\u00e5l i tida.<\/p>\n\n\n\n

Men:<\/p>\n\n\n\n