{"id":1780,"date":"2018-08-23T12:00:47","date_gmt":"2018-08-23T10:00:47","guid":{"rendered":"http:\/\/blogg.hivolda.no\/jr\/?p=1780"},"modified":"2018-08-23T22:10:36","modified_gmt":"2018-08-23T20:10:36","slug":"forskarskulen-wnger-ii-viktig-for-hogskulen-i-volda","status":"publish","type":"post","link":"https:\/\/blogg.hivolda.no\/jr\/2018\/08\/23\/forskarskulen-wnger-ii-viktig-for-hogskulen-i-volda\/","title":{"rendered":"Forskarskulen WNGER II – viktig for H\u00f8gskulen i Volda"},"content":{"rendered":"
\"\"<\/a>
Voldaforskarar p\u00e5 WNGER-opningskonferanse 2018. Fr\u00e5 venstre Kjartan Leer-Salvesen, Peder Haug, Henriette Hafsaas og Tor-Johan Ekeland.<\/figcaption><\/figure>\n

Helsing p\u00e5 opningskonferansen til forskarskulen WNGER II, Bergen, 23.08.2018.<\/strong><\/p>\n

Nettsida til opningskonferansen.<\/a><\/p>\n

H\u00f8gskulen i Volda har br\u00e5tt vorte ein liten h\u00f8gskule, sj\u00f8lv om vi ikkje har minka. Det er berre det at dei fleste av de andre har vorte s\u00e5 store. Men vi har passert 4.000 studentar, og Volda er ein ikkje heilt liten studiestad.<\/div>\n
<\/div>\n
I v\u00e5rt fagmilj\u00f8 har vi litt over 200 fagleg tilsette. Litt over halvparten av dei har f\u00f8rstekompetanse og vi har ca\u00a040 som arbeider med doktorgrad. Halvparten av dei er stipendiatar. Den andre halvparten arbeider med doktorgrad innanfor stilling – mange etter ei fem\u00e5rig ordning vi har innf\u00f8rt for fast tilsette lektorar som \u00f8nskjer \u00e5 ta doktorgrad.<\/div>\n
<\/div>\n

<\/p>\n

<\/div>\n
Vi er fagleg spissa og fokusert ved at det meste av v\u00e5r verksemd fell innanfor tre hovedomr\u00e5de: L\u00e6rarutdanning og humaniora, sosialfag og samfunnsfag og kultur- og mediefag – som vi nok er mest kjent for. Vi driv alts\u00e5 ikkje med sjukepleieutdanning, ingeni\u00f8rutdanning eller dei klassiske \u00f8k.adm-faga som alle andre DH-skular enn DH-skulen i Volda hadde.<\/div>\n
<\/div>\n
Satsingsomr\u00e5da er l\u00e6rarutdanning, mediefag og phd i helse- og sosialfag.<\/div>\n
<\/div>\n
S\u00e5 WNGER er innertiar i h\u00f8ve til alle v\u00e5re fag- og satsingsomr\u00e5de.<\/div>\n
<\/div>\n
B\u00e5de f\u00f8r vi vart sm\u00e5 og i \u00e5ra framover s\u00e5 er vi b\u00e5de interesserte i – og avhengig av samarbeid med andre UH-institusjonar for \u00e5 utvikle oss fagleg – p\u00e5 alle plan. Og eg h\u00e5per og trur det er til felles nytte og kanskje ogs\u00e5 glede?<\/div>\n
<\/div>\n
Og WNGER har i grunnen gitt mykje glede s\u00e5 langt, har eg inntrykk av!<\/div>\n
<\/div>\n
WNGER passar godt inn i samarbeidet innanfor UH Nett Vest – men ogs\u00e5 v\u00e5r samarbeidsavtale med Universitetet i Bergen, der forskarutdanning er s\u00e6rleg nemnt.<\/div>\n
<\/div>\n
Forskarskular er eigentleg eit nytt fenomen i norsk akademia, som vi har f\u00e5tt h\u00f8yre f\u00f8r i dag. Det er ogs\u00e5 eit nytt fenomen at h\u00f8gskulane skulle drive med forsking, forskarutdanning, doktorgradsutdanning.<\/div>\n
<\/div>\n
F\u00f8r 1994 m\u00e5tte vi i Volda improvisere og finne alternative framgangsm\u00e5ter for \u00e5 tilby tilsette ein veg fram mot forskarutdanning. Det fekk vi til gjennom eit\u00a0samarbeid med det d\u00e5verande Universitetet i Trondheim og f\u00e5tt l\u00e5ne den svenske professoren Urban Dahll\u00f8f, som p\u00e5 f\u00e5 \u00e5r fekk fram eit knippe \u00a0doktorandar ved H\u00f8gskulen i Volda, der dei fleste disputerte i Trondheim. Vi brukte v\u00e5rt regionale forskingsinstitutt M\u00f8reforsking som verkt\u00f8y for \u00e5 gjere det som ikkje h\u00f8gskulen sj\u00f8lv kunne eller fekk lov til \u00e5 gjere.<\/div>\n
<\/div>\n
I 1997 tok eg sj\u00f8lv til p\u00e5 mitt doktorgradsarbeid, og no var det Universitetet i Bergen som var samarbeidsparten etter ein konstruksjon som Gudmund Hernes var opphav til: Norgesnettet. Her hadde H\u00f8gskulen i Volda f\u00e5tt status som knutepunkt i mediefag og p\u00e5 nynorsk, og fekk dermed tilgang p\u00e5 stipendiatar p\u00e5 desse omr\u00e5da. Og stipendiatstillingane l\u00e5g ved Universitetet i Bergen. S\u00e5 eg var\u00a0\u00a0stasjonert ved H\u00f8gskulen i Volda, men resten stod Universitetet i Bergen for: Der fekk eg opptak som doktorgradsstudent og fekk dermed rettleiar og tilbod om doktorgradskurs. Ja eg fekk til og med litt l\u00f8nn!<\/div>\n
<\/div>\n
D\u00e5 eg disputerte skjedde det i 2003 ved H\u00f8gskulen i Volda – vi hadde faktisk to disputasar i Volda. Men det tykte ikkje Universitetet i Bergen var h\u00f8velege lokale for stipendiatar fr\u00e5 UiB, s\u00e5 det vart med dei to Norgesnettstipendiatane i mediefag. Men i 2019 eller 2020 h\u00e5per eg vi f\u00e5r v\u00e5r f\u00f8rste, eigne disputas i Volda. P\u00e5 v\u00e5rt felles program i lag med H\u00f8gskolen i Molde. Kanskje kan vi d\u00e5 reknast som vaksne, s\u00e5nn i akademisk forstand?<\/div>\n
<\/div>\n
Vi har alts\u00e5 g\u00e5tt fr\u00e5 improvisasjon og hybridl\u00f8ysingar til \u00e5 bli ein partnar. Og vi vil arbeide for \u00e5 bli ein positiv og fagleg god partnar i doktorgradsutdanning.<\/div>\n
<\/div>\n
Vi er framleis i utvikling – og gler oss til vidare fagleg utvikling i framtida.<\/div>\n
<\/div>\n
Professor Tor-Johan Ekeland, leiar i det felles doktorgradsutvalet for H\u00f8gskolen i Molde og H\u00f8gskulen i Volda seie meir om v\u00e5rt eige doktorgradsprogram seinare.<\/div>\n
<\/div>\n
Men v\u00e5re stipendiatar reiser til Bergen, Oslo, Trondheim, Stavanger eller Agder. B\u00e5de for \u00e5 f\u00e5 rettleiing og gjennomf\u00f8re disputas. Vi i rektoratet f\u00e5r med oss alle disputasar – for det er framleis ei storhending p\u00e5 H\u00f8gskulen i Volda n\u00e5r ein av v\u00e5re tilsette disputerer.<\/div>\n
<\/div>\n
Korleis passar s\u00e5 forskarskulen inn hos oss?<\/div>\n
<\/div>\n