{"id":1757,"date":"2018-08-14T12:00:32","date_gmt":"2018-08-14T10:00:32","guid":{"rendered":"http:\/\/blogg.hivolda.no\/jr\/?p=1757"},"modified":"2018-08-14T17:14:27","modified_gmt":"2018-08-14T15:14:27","slug":"velkomsttale-studiearet-2018-2019-velkomen-til-volda-til-vatn-og-til-verda","status":"publish","type":"post","link":"https:\/\/blogg.hivolda.no\/jr\/2018\/08\/14\/velkomsttale-studiearet-2018-2019-velkomen-til-volda-til-vatn-og-til-verda\/","title":{"rendered":"Velkomsttale studie\u00e5ret 2018-2019: Velkomen til Volda, til vatn og til verda"},"content":{"rendered":"
\"\"<\/a>
Velkomen til semesteropning 2018.<\/figcaption><\/figure>\n

The speech in English.<\/a><\/p>\n

Tusen takk til elevar og l\u00e6rarar p\u00e5 \u00d8yra skule – v\u00e5r n\u00e6raste partnar i utdanning like over gjerdet! Takk ogs\u00e5 til rapparane Side Brok! Vi gler oss til \u00e5 h\u00f8yre meir av dei!<\/p>\n

I Volda \u00f8nskjer vi \u00e5 sette studenten i sentrum – og viser det ogs\u00e5 p\u00e5 denne opninga ved at dei fleste som st\u00e5r p\u00e5 denne scena her i dag er noverande, tidlegare – og vonleg framtidige studentar ved H\u00f8gskulen i Volda.<\/p>\n

Fylkesmann. Inviterte gjester. Tilsette ved H\u00f8gskulen i Volda: Som rektor p\u00e5 H\u00f8gskulen i Volda er eg takksam for at de har kome hit i dag for \u00e5 ta i mot dagens hovudpersonar: Nemleg dei nye studentane! Velkomne til Volda!<\/p>\n

<\/p>\n

P\u00e5 H\u00f8gskulen i Volda vil de m\u00f8te opne d\u00f8rer. G\u00e5 gjennom dei. M\u00f8t nye menneske. Skap ei ny framtid i lag med oss. I lag med dine framtidige medstudentar. L\u00e6rarar. Og alle andre som har med h\u00f8gskulen \u00e5 gjere.<\/p>\n

Eg er ogs\u00e5 glad for at mange kommunar i Nordfjord og Sunnm\u00f8re er representerte her i dag. Vi \u00f8nskjer \u00e5 vere ein h\u00f8gskule for heile regionen – og det er v\u00e5rt m\u00e5l at heile regionen skal kjenne H\u00f8gskulen i Volda som sin h\u00f8gskule. B\u00e5de p\u00e5 ein festdag som i dag – og i det daglege arbeidet. Og ferdige kandidatar fr\u00e5 H\u00f8gskulen i Volda vil ogs\u00e5 i framtida vere attraktive arbeidstakarar for arbeidslivet i regionen.<\/p>\n

Nye studentar kan gjerne f\u00e5 ei lita p\u00e5minning om at Sunnm\u00f8re og Nordfjord har reisem\u00e5l i verdsklasse: Geirangerfjorden st\u00e5r p\u00e5 UNESCOS verdsarvliste. Andre reisem\u00e5l er Fl\u00f8, Runde, Stadlandet, Ervika, Stryn, Jostedalsbreen, Jugendbyen \u00c5lesund og ikkje minst sunnm\u00f8rsalpane og Hj\u00f8rundfjorden.<\/p>\n

A particular welcome to all new international students who are here today. Also, welcome back to those who have returned to Volda for another academic year.
\nInternational students, international staff and guest lecturers, and our many international student festivals, add an extra dimension to our college and our community as a whole. It makes Volda that much more interesting and colorful. We are very happy that so many new international students have chosen to study here with us.<\/p>\n

I encourage all students and faculty members to take full advantage of the possibilities that lie in our diverse student body. When you engage with people from other backgrounds, you may see your academic field, and the world in general, from a new perspective. At Volda University College you can meet the world, its cultures, customs and languages without actually leaving Volda. You just have to stop by the desk and chairs of Pangaia, the international meeting place located in the Berte Kanutte building behind me. Remember that Pangaia and all the events it hosts are open to all, not just international students.
\nWe are glad to see that the number of international students is increasing steadily. We are at the top among universities and colleges in Norway in terms of outgoing student numbers. Close to 1 out of 4 graduates have spent a semester abroad as a part of their degree. In addition to established partners in Europe, the United States and Australia, we are sending our first students on exchange to new partner universities in South Korea and Chile. So it is true that when you study in Volda, you have the world at your feet.<\/p>\n

 <\/p>\n

\"\"<\/a>
«Uten tittel». Skulptur av Per Inge Bj\u00f8rlo. Foto: Jaro Hollan.<\/figcaption><\/figure>\n

P\u00e5 skjermen til h\u00f8gre ser de bilde av ein skulptur. Den vart laga av Per Inge Bj\u00f8rlo i 1998. Den st\u00e5r p\u00e5 den andre sida av dette huset – bak meg. Skulpturen har tittelen: \u00abUtan tittel\u00bb<\/a>. Den svevar liksom litt over bakken.<\/p>\n

Men la oss seie at den ogs\u00e5 kan vere eit vassmolekyl. Vatn, regn og skodde har vi hatt nok av i Volda, men ikkje akkurat brukt det som turistreklame – eller som reklame for \u00e5 dra nye studentar.<\/p>\n

Men etter ein sommar og v\u00e5r, der v\u00e5r verd har vore varm, vorte varmare enn vi kanskje likar. Der skogbrannar og vassmangel har vorte samtaletema. S\u00e5 har det \u00e5 bli v\u00e5t av kj\u00f8lig regn vorte ei velkomen g\u00e5ve fr\u00e5 himmelen. Slik kjendest i alle fall ut d\u00e5 eg gjekk heim fr\u00e5 h\u00f8gskulen i f\u00f8rre veke og vart skikkeleg, deilig v\u00e5t i h\u00e5ret og ansiktet.<\/p>\n

Skulpturen til Bj\u00f8rlo er laga rustfritt, syrebehandla sveisa st\u00e5l. Sandbl\u00e5st, blank og fin, men liknar kanskje litt p\u00e5 ei sv\u00e6r bombe. I ei framtid der vatn blir ein knapp ressurs b\u00e5de for straumprodusentar og i v\u00e5r daglege bruk, s\u00e5 ser vi ogs\u00e5 ei verd der vatn blir eit v\u00e5pen – kanske sterkare og styggare enn vanlege v\u00e5pen i st\u00e5l.<\/p>\n

Millionar kan kome til \u00e5 d\u00f8y av vassmangel. Kanskje kjem ingen nokon gong til \u00e5 d\u00f8y av hydrogenbomber.<\/p>\n

Kva rolle har ein h\u00f8gskule med sin l\u00e6rarar og studentar i ei slik verd?
\nDen naturvitskaplege kunnskapen om vatnet, om milj\u00f8et, om klimaendringar: Den har vi. Den har vi hatt lenge. Men det betyr diverre ikkje at vi har vore i stand til \u00e5 ta det inn over oss eller \u00e5 gjere dei rette vala. Det trengst difor ogs\u00e5 andre typar av kunnskapar og dugleikar for at menneske skal l\u00e6re, tenkje og endre seg.<\/p>\n

Og her er det faktisk slik at alle h\u00f8gskulens fagomr\u00e5de – alle v\u00e5re studentar – kan ha ei rolle. Kva skal vi fortelje barna v\u00e5re – i barnehagen og i skulen? Kva skal vi formidle gjennom litteratur- kunst- og kulturuttrykk? Kva er dei viktige sp\u00f8rsm\u00e5la som massemedia tek opp? Korleis skal samfunnet og offentleg forvaltning planleggast og utf\u00f8rast? Kva kan vi l\u00e6re av historia? Eller i sum: Kva kunnskap er det vi skal formidle? Kva m\u00e5te skal vi gjere det p\u00e5 slik at b\u00e5de vi og alle andre kan l\u00e6re, leve og oppleve. F\u00e5 ny kunnskap, ta samfunnsutfordringane inn over oss?<\/p>\n

Dette er sp\u00f8rsm\u00e5l som alle de som no blir studentar ved H\u00f8gskulen i Volda vil bruke \u00e5r av dykkar liv p\u00e5 \u00e5 studere her p\u00e5 h\u00f8gskulen – og i yrkeslivet etterp\u00e5. Og som ogs\u00e5 er viktig for oss som samfunnsborgarar, som opplyste og danna menneske.<\/p>\n

Alle makthavarar veit at den oppveksande slekta og kva som er rett og gale vert p\u00e5verka av det som blir l\u00e6rt i skulen, formidla i kunst og kultur, gjennom massemedia og nedfelt i lov og rett og offentleg forvaltning. Og det vi ser rundt oss i verda er at i mange land vert sentrale samfunnsinstitusjonar sett under press, og b\u00e5de forsking, l\u00e6reb\u00f8ker, media og kunst blir fors\u00f8kt styrt av makthavarar sine ikkje-vitskaplege fordommar og brutale politiske m\u00e5l.
\nOg sj\u00f8lve ideen om at dette er greit – det autorit\u00e6re samfunn – kryp n\u00e6rare og er kanskje i ferd med \u00e5 bli normalisert. Det er ikkje n\u00f8dvendig \u00e5 reise heilt til Kina eller Iran for \u00e5 m\u00f8te det. Det er berre ei lita flyreise eller ein helgetur til Polen, Ungarn, Russland – eller kanskje Italia.<\/p>\n

Som h\u00f8gskule \u00f8nskjer og m\u00e5 vi ogs\u00e5 gjere v\u00e5rt for milj\u00f8et. Og det gjer vi.<\/p>\n